Fqinjët e çiftit nga fshati Gjergjan i Elbasanit, të cilët u gjetën të asfiksuar në banesë nga rrjedhja e bombolës së gazit, ndërkohë që ngjarja dyshohet si vetëvrasje, shprehen se janë të shokuar nga kjo ngjarje.
“Ne e njohim për njerëz të mirë atë. Ka qenë i respektuar. Se nga i erdhi një zot e di. U habitëm kur dëgjuam se ka ardhur policia. Nuk dimë gjë tjetër”, tha një nga fqinjët e çiftit.
“I kemi njohur për njerëz jashtëzakonisht të mirë, si i ndjeri ashtu edhe e shoqja. Kemi respekt. I përcjellim sot me dhimbje. Nuk dyshojmë për asgjë të keqe. Bashkëshortja ka qenë e sëmurë, ka nja dy vite, kurse ky vetë i shërbente. Madje kohët e fundit mori edhe dikë që iu shërbente në shtëpi”, ka thënë një banor i fshatit.
Viktimat, 65-vjeçari Shyqyri Liçi dhe 61-vjeçarja Sabrije Liçi ishin vetëm në banesë, në momentin e tragjedisë. Sipas policisë, dyshohet se kryefamiljari ka hapur bombolën e gazit, e më pas i ka vendosur flakën. Si pasojë kanë marrë flakë disa orendi shtëpiake. Bashkëshortët dyshohet se kanë ndërruar jetë nga asfiksia.
Foto-Video/ Gjenden të vdekur në banesë një çift bashkëshortësh
Nipi i tyre ka konstatuar zjarrin dhe ka shkuar menjëherë në banesë, duke u futur nga dritarja, por ka qenë tepër vonë për dy të moshuarit.